რამდენიმე წლის წინ ბინის შეძენა ბევრს გადაულახავ დაბრკოლებად ეჩვენებოდა, რადგან სრული თანხის მოკლე დროში მოძიება ყოველთვის შესაძლებელი არ იყო. ამ რეალობიდან გამომდინარე, დროთა განმავლობაში, საუკეთესო ალტერნატივა გახდა მშენებარე ბინები განვადებით, რომლებიც დღეს იმ მყიდველებისთვისაა მოსახერხებელი, ვისაც არ სურს ბანკში გრძელვადიანი ვალდებულებების აღება და ვისაც ასევე ურჩევნია ბინის ღირებულება პირდაპირ დეველოპერთან შეთანხმებული გრაფიკით გადაიხადოს.

შიდა განვადების შემთხვევაში გადახდის პირობები უშუალოდ დეველოპერის მიერ განისაზღვრება. მყიდველი და კომპანია წინასწარ თანხმდებიან საწყისი შენატანის ოდენობასა და გადახდის გრაფიკზე, რის გამოც საბანკო სესხისთვის დამახასიათებელი ეტაპები, მათ შორის საკრედიტო ისტორიის შეფასება, შემოსავლის დადასტურება თუ დამატებითი უზრუნველყოფის მოთხოვნა,  პროცესის ნაწილი აღარ არის.

მშენებარე ბინები განვადებით: რატომ ირჩევენ მყიდველები უძრავი ქონების შეძენის ამ გზას?

ბინის შეძენისას გადაწყვეტილებაზე ხშირად გავლენას ახდენს არა მხოლოდ ფინანსური შესაძლებლობა, არამედ პროცესის სიმარტივე და მოქნილობა. შიდა განვადება მყიდველს საშუალებას აძლევს, შესყიდვის პროცესი უფრო სწრაფად დაგეგმოს და თავიდან აირიდოს ის დამატებითი ეტაპები, რომლებიც საბანკო დაფინანსებას ხშირად ახლავს თან.

ასეთი ფორმატი განსაკუთრებით მოსახერხებელია მათთვის, ვინც შემოსავალს სხვადასხვა წყაროდან იღებს, მაგალითად, ფრილანსერებისთვის, მეწარმეებისთვის ან სეზონურ საქმიანობაში ჩართული ადამიანებისთვის. როდესაც შემოსავალი ყოველთვიურად ერთნაირი არ არის, მნიშვნელოვანია გადახდის პირობები რეალურ შესაძლებლობებს მოერგოს და ფინანსური გეგმის ნაწილი გახდეს.

შიდა განვადების არჩევისას მყიდველისთვის მნიშვნელოვანი უპირატესობაა ხარჯების წინასწარ გათვლა. ბინის საბოლოო ღირებულება და გადახდის გრაფიკი თავიდანვე ცნობილია, რაც საშუალებას აძლევს ადამიანს, ზუსტად დაგეგმოს საკუთარი ბიუჯეტი.

როგორ მუშაობს „კოორდინატის’’ შიდა განვადების სისტემა?

„კოორდინატის’’ მშენებარე ბინები თბილისში შიდა განვადებით და ზოგადად, მთლიანი განვადების პროცესი პარტნიორული დიალოგის პრინციპზეა აგებული. მას შემდეგ, რაც შეარჩევთ თქვენთვის სასურველ საცხოვრებელ ფართს, ჩვენი გუნდი გთავაზობთ ინდივიდუალურ ფინანსურ კონსულტაციას. ამ ეტაპზე  გარდა იმისა, რომ ვსაზღვრავთ გადახდის თარიღებს, ასევე ვაანალიზებთ, თუ რომელი სამშენებლო ეტაპი ემთხვევა თქვენს ფინანსურ შესაძლებლობებს ყველაზე მეტად. 

სისტემის მთავარი უპირატესობა დინამიკურობაა. ეს არის მექანიზმი, რომელიც გამორიცხავს გაუთვალისწინებელ ხარჯებს და გაძლევთ პროცესის სრულად გაკონტროლების შესაძლებლობას. ჩვენი მიზანია, რომ თქვენი გადახდები იყოს სინქრონში კომპანიის სამშენებლო გეგმასთან, რადგან ეს ორივე მხარისთვის უსაფრთხოების დამატებით გარანტიას შექმნის.

ამასთან, ვინაიდან თითოეული პროექტი და თითოეული მყიდველის მოთხოვნა უნიკალურია, „კოორდინატი’’ არ იყენებს ერთიანი შაბლონის პრინციპს. ჩვენი განვადების სისტემა მოქნილია და ითვალისწინებს ისეთ ფაქტორებს, როგორებიცაა: ბინის სართულიანობა, ხედი ან დამატებითი ინფრასტრუქტურული უპირატესობები. სწორედ ამიტომ, საბოლოო პირობების დასადგენად, გირჩევთ, პირდაპირ დაუკავშირდეთ ჩვენს გაყიდვების დეპარტამენტს. კონსულტანტები დაგეხმარებიან საუკეთესო ოპტიმალური გრაფიკის აწყობაში, რათა თქვენი მომავალი სახლის შეძენის პროცესი იყოს მაქსიმალურად კომფორტული და გრძელვადიან პერსპექტივაზე გათვლილი.

საბუთები და პროცედურა - რა გჭირდებათ პროცესის დასაწყებად?

„კოორდინატში’’ განვადების პროცესის დაწყება არ გულისხმობს ბიუროკრატიულ ლაბირინთებში შესვლას. თქვენი პირველი ნაბიჯი საცხოვრებლის არჩევა და გაყიდვების წარმომადგენელთან ვიზიტის დაგეგმვაა, სადაც შეფასდება თქვენი სურვილები და შესაძლებლობები. დეველოპერთან უშუალო კომუნიკაცია საშუალებას მოგცემთ, ადგილზევე მიიღოთ ინფორმაცია კონკრეტული ბინის სტატუსის, მისი გეგმარებისა და იმ სამშენებლო ნორმების შესახებ, რომლითაც შენობა შენდება. პირველადი კონსულტაცია საუკეთესო მომენტია იმისთვის, რომ დააზუსტოთ ყველა ტექნიკური დეტალი, რაც ხელშეკრულების გაფორმებამდე უნდა იცოდეთ.

შეთანხმების შემდეგ დგება ხელშეკრულების იურიდიული გაფორმების ეტაპი, რომელიც მაქსიმალურად გამჭვირვალეა. ამ დოკუმენტში იწერება ბინის ფასი, გადახდის ინდივიდუალური გრაფიკი და ის ვალდებულებები, რომლებსაც „კოორდინატი’’ თქვენ წინაშე იღებს. ხელშეკრულების ხელმოწერისას ჩვენ ყურადღებას ვამახვილებთ ისეთ მნიშვნელოვან ასპექტებზე, როგორებიცაა: საკუთრების რეგისტრაციის ვადები, ხელშეკრულების პირობების გადახედვის მექანიზმები და დაგვიანებული გადახდის შემთხვევაში გასათვალისწინებელი პროცედურები. ასეთი დეტალური მიდგომა გამორიცხავს გაუგებრობებს და ხელს უწყობს ნდობაზე დაფუძნებული თანამშრომლობის ჩამოყალიბებას.

პროცესის დასრულების შემდეგ, თქვენ უკვე გაქვთ გადახდის მკაფიო გრაფიკი, რომლის მეშვეობითაც მშენებლობის დასრულებამდე თანაბრად ანაწილებთ თქვენს ფინანსებს. ნებისმიერი კითხვა, რომელიც შესაძლოა გაგიჩნდეთ პროცესის მიმდინარეობისას, მაგალითად, ვადამდელი დაფარვის პირობების ან ბინის ჩაბარების სტანდარტების შესახებ, ყოველთვის შეგიძლიათ განიხილოთ ჩვენს გუნდთან. 

გახსოვდეთ, რომ კვალიფიციური გადაწყვეტილების მისაღებად დროული კითხვების დასმა და პირობების წინასწარ დაზუსტება საუკეთესო ინსტრუმენტია იმისათვის, რომ სახლის შეძენის გამოცდილება თქვენს მოლოდინს სრულად შეესაბამებოდეს.

,,კოორდინატის’’ ბინები ორთაჭალაში - ვისთვის არის ყველაზე ხელსაყრელი შიდა განვადება?

ბინის შეძენის გადაწყვეტილება თითოეული ადამიანისთვის განსხვავებულ ფინანსურ გეგმასთან არის დაკავშირებული. ზოგისთვის მთავარი მიზანი საკუთარი საცხოვრებლის ყიდვაა, ზოგისთვის კი უძრავი ქონების შეძენა სამომავლო გეგმების ნაწილია. შიდა განვადება განსაკუთრებით საინტერესო შეიძლება იყოს მათთვის, ვისაც სურს ბინის შეძენის პროცესი ეტაპობრივად დაგეგმოს და საკუთარი ფინანსური რესურსი კონკრეტულ ვადებზე გადაანაწილოს.

ეს ვარიანტი ხშირად არის ახალგაზრდა ოჯახებისა და იმ ადამიანების ინტერესის საგანი, რომლებიც უკვე გეგმავენ საცხოვრებლის შეძენას, თუმცა ამ ეტაპზე თანხის ეტაპობრივი მობილიზება ურჩევნიათ. ასეთ შემთხვევაში მნიშვნელოვანია არა მხოლოდ მიმდინარე შესაძლებლობები, არამედ, მომავალი შემოსავლების გათვალისწინებით, გრძელვადიანი ფინანსური გეგმის შედგენა.

მშენებარე ბინები განვადებით შეიძლება საინტერესო არჩევანი იყოს მათთვისაც, ვინც უძრავ ქონებას საინვესტიციო მიზნით განიხილავს. მაგალითად, მყიდველები, რომლებიც ორიენტირებულნი არიან ქონების შემდგომ გაქირავებაზე ან მისი ღირებულების ზრდაზე, განსაკუთრებით აფასებენ გადახდის სტრუქტურირებულ გეგმას.

ორი გზა ერთ მიზნამდე: რომელი პირობა ერგება ყველაზე უკეთ თქვენს გეგმებს?

ბინის შეძენისას სწორი არჩევანი ხშირად იმაზეა დამოკიდებული, თუ რა ეტაპზე ხართ და როგორი გეგმა გაქვთ. იმის გასარკვევად, თუ რომელი გზა შეიძლება უფრო შეესაბამებოდეს თქვენს სიტუაციას, დაუსვით საკუთარ თავს რამდენიმე მარტივი კითხვა:

რამდენად მნიშვნელოვანია თქვენთვის კონკრეტულ პროექტზე მორგებული პირობები?

თუ თქვენ გსურთ, რომ ბინის შეძენის პირობები კონკრეტულ არჩევანსა და თქვენს საჭიროებებს შეესაბამებოდეს, შიდა განვადება შეიძლება საინტერესო ვარიანტი იყოს. სხვა შემთხვევაში, შეგიძლიათ დაფინანსების სხვადასხვა მოდელი შეადაროთ და გადაწყვეტილება თქვენი პრიორიტეტების მიხედვით მიიღოთ.

რა არის თქვენი ფინანსური გეგმა მომდევნო რამდენიმე წლისთვის?

თუ იცით, რა პერიოდზე შეგიძლიათ ფინანსების განაწილება და გირჩევნიათ წინასწარ განსაზღვრული ნაბიჯებით იმოქმედოთ, შიდა განვადება შეიძლება უფრო ახლოს იყოს თქვენს მიდგომასთან. მათთვის კი, ვინც გრძელვადიან ფინანსურ ვალდებულებას ამჯობინებს და გადახდების ხანგრძლივ ვადაზე განაწილება სურს, საბანკო დაფინანსება შესაძლოა უფრო გონივრულ ალტერნატივად მივიჩნიოთ.

რამდენად გსურთ პროცესის თითოეული ეტაპის წინასწარ განსაზღვრა?

ზოგი მყიდველი გადაწყვეტილების მიღებისას მაქსიმალურ პროგნოზირებადობას ამჯობინებს და ურჩევნია ყველა დეტალი თავიდანვე ჰქონდეს გაწერილი. სხვებისთვის კი მთავარი შესაძლებლობაა, შეიძინოს სასურველი ბინა და შემდეგ მოარგოს პროცესი საკუთარ ფინანსურ მდგომარეობას.

თუ ამ კითხვებზე პასუხისას თქვენთვის უფრო საინტერესო შიდა განვადების ფორმატი აღმოჩნდა, დაგვიკავშირდით და ჩვენი გუნდი დაგეხმარებათ თქვენზე მორგებული გადახდის გრაფიკის დაგეგმვაში. იმ შემთხვევაში კი, თუ ბინის შეძენას საბანკო დაფინანსებით განიხილავთ, „კოორდინატი’’ პარტნიორობს საქართველოს ბანკთან, რათა ამ გზით დაინტერესებულ მყიდველებსაც ჩვენგან შესაბამისი მხარდაჭერა ჰქონდეთ. საბოლოო არჩევანი დამოკიდებულია თქვენს ფინანსურ გეგმებსა და იმ პირობებზე, რომლებიც თქვენთვის ყველაზე მისაღებია.

ხშირად დასმული კითხვები - FAQ

არსებობს თუ არა მშენებარე ბინები განვადებით წინასწარი შენატანის გარეშე?

ბაზარზე მშენებარე ბინები განვადებით წინასწარი შენატანის გარეშე საკმაოდ იშვიათი შემთხვევაა და, როგორც წესი, სპეციალურ პირობებზეა დამოკიდებული. „კოორდინატში’’ საწყისი შენატანი, ჩვეულებრივ, აუცილებელია, თუმცა მისი ოდენობა ინდივიდუალურად განისაზღვრება კონკრეტული ბინისა და მშენებლობის ეტაპის მიხედვით. ზუსტი პირობებისთვის რეკომენდებულია პირდაპირ დაუკავშირდეთ გაყიდვების გუნდს.

როგორ შევარჩიო ჩემს მოთხოვნებთან შესაბამისი ბინები ორთაჭალაში?

ბინები ორთაჭალაში ,,კოორდინატის’’ პროექტში იმდენად მრავალფეროვანია, რომ არჩევანის გაკეთება საკმაოდ მარტივი და სასიამოვნო პროცესია. პირველ რიგში, განსაზღვრეთ თქვენი პრიორიტეტები: რა არის თქვენთვის გადამწყვეტი: სართული, ხედი თბილისზე, აივნის ფართობი თუ კონკრეტული გეგმარება? ჩვენი გაყიდვების კონსულტანტები დაგეხმარებიან, რომ თითოეული ეს დეტალი კარგად დააზუსტოთ და შეარჩიოთ ისეთი საცხოვრებელი, რომელიც ცხოვრების თქვენს სტილს მაქსიმალურად შეესაბამება.

იცვლება თუ არა ბინის ფასი განვადების პერიოდში?

ბინის ფასი, როგორც წესი, ხელშეკრულების გაფორმების ეტაპზე განისაზღვრება და განვადების პერიოდში უცვლელი რჩება, თუ მხარეებს შორის სხვა პირობა წინასწარ არ არის შეთანხმებული. ეს მყიდველს საშუალებას აძლევს, თავიდანვე იცოდეს გადასახდელი თანხა და უფრო ზუსტად დაგეგმოს საკუთარი ფინანსები განვადების სრული პერიოდის განმავლობაში.