„კოორდინატის’’ შიდა ეზო და საერთო ზონები სრულად თავისუფალია ავტომობილების მოძრაობისგან, რაც მაცხოვრებლებს უსაფრთხო და ვიზუალურად ჰარმონიულ გარემოს სთავაზობს. აქ ტრანსპორტი არ იწვევს ხმაურს და არ არღვევს საერთო სივრცის მყუდროებას - ტერიტორია რჩება ადამიანებისთვის განკუთვნილ ადგილად, სადაც შესაძლებელია სეირნობა, დასვენება და ბუნებასთან უშუალო კავშირი.

ავტომობილების სრულფასოვან მომსახურებაზე ზრუნავს ორდონიანი მიწისქვეშა პარკინგი, რომელიც აღჭურვილია ჭკვიანი სისტემით - შესასვლელი ავტომატურად ცნობს სანომრე ნიშნებს და ტერიტორიაზე უცხო ტრანსპორტის შესვლას ზღუდავს.

პარკინგის ინფრასტრუქტურა კი მოიცავს მანქანის სამრეცხაოს, ელექტრო ავტომობილების დამტენ სადგურებსა და პირადი ნივთების შესანახ სათავსოებს - დეტალებს, რომლებიც შექმნილია იმისთვის, რომ მაცხოვრებლებს ყოველდღიურად მაქსიმალური კომფორტი შესთავაზოს.